Trosolwg o'r swydd

Mae nifer o gyfleoedd cyffrous ar gael yn Ysbyty Glan Clwyd ar gyfer Gweithwyr Cymorth Gofal Iechyd Band 2 parhaol/cyfnod penodol o fewn ein Huwch Adran Feddygol a Cyfarwyddiaeth Lawfeddygol.

Fel Gweithiwr Cymorth Gofal Iechyd Band 2 byddwch yn:

·        Gweithio fel rhan o'r tîm amlddisgyblaethol sy'n gofalu am gleifion gyda chefnogaeth a goruchwyliaeth gan weithiwr proffesiynol gofal iechyd cofrestredig.

·        Ymgymryd â gweithgareddau a thasgau gofal personol fel y'u dirprwyir gan weithiwr proffesiynol gofal iechyd cofrestredig, yn unol â Chanllawiau Dirprwyo Cymru Gyfan AaGIC.

·        Sicrhau bod y gweithiwr proffesiynol gofal iechyd cofrestredig yn cael y wybodaeth ddiweddaraf yn rheolaidd am gyflwr a gwelliant/dirywiad y claf/cleient.

·        Cynnal safonau uchel o ran glendid yn y lleoliad gofal iechyd a storio eitemau stoc yn briodol.

·        Cyflawni'r rôl yn unol â gwerthoedd y Bwrdd Iechyd a'r Cod Ymddygiad ar gyfer Gweithwyr Cymorth Iechyd Cymru.

Mae oriau llawn a rhan amser ar gael.

Mae tâl ychwanegol am weithio'r Tu Allan i Oriau a buddion staff ar gael.

Rydym yn cadw'r hawl i gau'r swydd wag hon yn gynnar os byddwn yn derbyn nifer fawr o geisiadau addas. Rydym yn annog ymgeiswyr sydd â diddordeb i wneud cais cyn gynted â phosibl i osgoi cael eu siomi.

Os oes diddordeb gyda chi mewn ceisio am swydd secondiad, mae’n rhaid i chi gael caniatad eich rheolwr llinell presennol cyn i chi geisio am y swydd hon.

Prif ddyletswyddau'r swydd

Cynorthwyo'r nyrs gofrestredig/ymarferydd i sicrhau safonau uchel o ran y gofal cyfannol a ddarperir i gleifion, gan ofalu y cynhelir urddas cleifion a chydraddoldeb bob amser. 

Sicrhau bod yr egwyddorion a amlinellir yn yr hanfodion gofal yn cael eu hymgorffori mewn arferion beunyddiol er mwyn gofalu y darperir gwasanaeth o ansawdd uchel i gleifion a chleientiaid.  Cyflawni dyletswyddau a nodir yn y cynllun gofal sydd wedi’u dirprwyo gan ymarferydd cymwys (dim ond y dyletswyddau hynny y bydd deilydd y swydd wedi cael hyfforddiant ac asesiadau priodol er mwyn gallu eu cyflawni).

Cynorthwyo cleifion gydag anghenion dietegol a hydradu a chefnogi gyda gofynion hylendid personol. Cynnal safonau uchel o lendid a dilyn canllawiau atal heintiau.  

Mae'r gallu i siarad Cymraeg yn ddymunol ar gyfer y swydd hon; mae'r un cyfle i siaradwyr Cymraeg a/neu Saesneg ymgeisio

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.