NursingNetUK

Cyfathrebu

Darparu gwybodaeth a chymorth i gleifion canser sy'n ystyried cymryd rhan mewn treial clinigol cyfnod cynnar.

Disgrifio ac esbonio gwybodaeth treialon cymhleth yn ysgrifenedig ac ar lafar i gleifion a'u gofalwyr.

Disgrifio ac egluro gwybodaeth gymhleth i staff meddygol, gweithwyr iechyd proffesiynol a gweithwyr proffesiynol perthynol i iechyd.

Negodi logisteg cynnal treial clinigol gydag adrannau eraill, gan gynnwys ar draws 2 safle ymchwil, dan oruchwyliaeth arweinydd tîm.

Rhoi cyflwyniad ffurfiol ac anffurfiol i gleifion, gofalwyr, gweithwyr iechyd proffesiynol a sefydliadau ymchwil, gan godi ymwybyddiaeth o dreialon clinigol.

Cyfathrebu â swyddfeydd treialon eraill a sefydliadau allanol yn lleol, yn genedlaethol ac yn fyd-eang.

Sgiliau cyfrifiadurol, gwybodaeth am raglen MS Office ac E-bost.

Sgiliau Clinigol

Nyrs gofrestredig lefel 1af neu gymhwyster gofal iechyd proffesiynol cyfatebol.

Gweithiwr iechyd proffesiynol gyda phrofiad ar Fand cyflog 5 mewn oncoleg ac ymchwil.

Gwybodaeth ardderchog o derminoleg canser a ddatblygwyd trwy brofiad.

Cadw at Arferion Clinigol Da (GCP) o ddydd i ddydd.

Cadw at y fframwaith llywodraethu ymchwil o ddydd i ddydd

Tystiolaeth o addysg ôl-sylfaenol.

Mynediad mewnwythiennol IV (canwleiddio, PICCs, Llinellau Hickman a PORTS) a sgiliau gwythïen-bigo gan gynnwys ANTT.

Sgiliau triniaeth frys gan gynnwys trin anaffylacsis ac argyfyngau meddygol eraill neu barodrwydd i ddysgu’r sgiliau hyn.

Defnyddio peiriannau ECG, peiriannau pwysedd gwaed ac offer arall a monitro cleifion, gan gynnwys monitro mewnwthiol.

Gweinyddu triniaethau gwrthganser systemig (cwblhau hyfforddiant SACT)

Gweinyddu cyffuriau treial therapi newydd.

Yn gallu adnabod digwyddiadau andwyol posibl ac uwchgyfeirio'n briodol mewn modd amserol. 

Sgrinio cleifion i asesu cymhwysedd ar gyfer mynediad i astudiaeth, yn gallu gweithio ar eich liwt eich hun.

Yn gallu rhoi barn arbenigol fel eiriolwr cleifion.

Prosesu samplau biolegol (PK/PD/Biofarcwyr ac ati) yn unol â'r protocol, gan ddefnyddio technegau ar gyfer ynysu serwm, plasma ac ynysu lymffocytau gwaed ymylol.

Paratoi pob sampl ar gyfer ei storio neu ei  gludo a sicrhau asesiad risg priodol, cydymffurfio â chanllawiau Rheoliadau Rheoli Sylweddau Peryglus i Iechyd a chynnal a chadw offer labordy priodol, cyflenwadau a sbesimenau.

Gofalu am gleifion sy'n ddifrifol wael, os bydd digwyddiad anffafriol difrifol sy'n gofyn am gyfeirio'r gofal i Uned Dibyniaeth Fawr/Uned Gofal Dwys.

Cynorthwyo gyda phrofion clinigol lle mae'r rhain yn brotocol-benodol.

Rheoli Gwasanaethau

Cydlynu ymweliadau ar gyfer archwilio a monitro gwaith gan sefydliadau ymchwil ac archwilwyr allanol.

Gwybodaeth am sut i gyflwyno astudiaethau a diwygiadau ar gyfer cymeradwyaethau gofynnol yn unol ag arfer clinigol da, Llywodraethu Ymchwil a gofynion rheoleiddio eraill.

Blaenoriaethu llwyth gwaith pan fydd ymyriadau aml.

Trefnu cyfarfodydd i gychwyn astudiaethau newydd.

Cynllunio, cysylltu a chynnal trafodaethau gyda chleifion/ gofalwyr.

Cydgysylltu â monitoriaid treialon o sefydliadau ymchwil i gynorthwyo gyda swyddogaethau monitro.

Yn gallu bod yn hyblyg a chyflenwi ar gyfer aelodau eraill y tîm fel sy’n      ofynnol, gan gynnwys gwasanaeth traws-safle yn Ymddiriedolaeth GIG Prifysgol Felindre a Bwrdd Iechyd Prifysgol Caerdydd a'r Fro.

Cynllunio ar gyfer yr effaith y bydd treial clinigol newydd yn ei chael ar adrannau amrywiol yn Ymddiriedolaeth GIG Prifysgol Felindre a Bwrdd Iechyd Prifysgol Caerdydd a’r Fro.

Cynllunio cyflwyniad a chynnwys rhaglenni addysgol, gyda chefnogaeth Band 7.

Yn gallu asesu protocolau ar gyfer materion adnoddau yn Ymddiriedolaeth GIG Prifysgol Felindre a Bwrdd Iechyd Prifysgol Caerdydd a’r Fro.

Cofrestru cleifion i dreialon clinigol.  Sicrhau bod dogfennaeth gywir yn cael ei chadw yng nghofnodion cleifion.

Cydgysylltu â chynorthwyydd ymchwil ac yn ei absenoldeb, proses samplau yn y labordy PK/PD, gan ddefnyddio technegau ar gyfer ynysu serwm, plasma ac ynysu lymffocytau gwaed ymylol. 

Dyfarniad ar roi gwybodaeth ar gyfer astudiaethau sy'n gwrthdaro.

Helpu i asesu dichonoldeb cynnal treialon cymhleth.

Ymdrech ac Amgylcheddol (amodau gwaith ffisegol, emosiynol a meddyliol)

Defnyddio peiriannau ECG ac offer monitro cleifion eraill.

Defnyddio cyfrifiaduron yn ddyddiol ac am gyfnodau estynedig.

Gweinyddu cyffuriau treialon.

Rhoi cymorth i gleifion, gofalwyr ac aelodau eraill o'r tîm wrth gyflwyno newyddion drwg.

Ansawdd

Cyngor ac addysg i gleifion a gofalwyr mewn perthynas â phroses eu clefyd, rheoli sgîl-effeithiau a’r gwasanaethau cymorth sydd ar gael iddynt.

Sicrhau bod nodiadau achos yn cael eu holrhain wrth ddod i mewn ac allan o'r uned.

Cymryd rhan mewn darparu cyngor clinigol i gleifion a gofalwyr.

Cyfrifol am gydlynu holl weithdrefnau treialon clinigol cleifion.

Asesu addasrwydd cleifion ar gyfer mynediad i astudiaethau ymchwil.

Asesu anghenion gofal clinigol cleifion gan drosglwyddo gwybodaeth berthnasol i Ymgynghorwyr.

Gweithio mewn cysylltiad agos â nyrsys ymchwil eraill ar draws 2 safle ymchwil i hyrwyddo gwaith tîm.

Gweinyddu dyddiaduron a holiaduron ansawdd bywyd i gleifion, rhoi cyfarwyddyd a’u casglu’n ddiweddarach.

Chwarae rhan allweddol yn y broses o roi caniatâd gwybodus gan gynnwys:

·       Darparu'r daflen Wybodaeth Cleifion gymeradwy gyfredol.

·       Egluro gweithdrefnau’r astudiaeth, y driniaeth a’r derminoleg ymchwil, mewn ffordd ddealladwy.

·       Egluro’r risgiau a'r manteision sy'n gysylltiedig â chymryd rhan yn y treial clinigol, gan gynnwys y driniaeth, y gweithdrefnau, yr amser ac unrhyw anghyfleustra y gallai achosi.

·       Cynnwys teulu/gofalwyr y claf fel y bo'n briodol.

·       Egluro hawliau cleifion mewn lleoliad ymchwil.

·       Darparu gwybodaeth gyswllt i alluogi cleifion i ofyn cwestiynau a thrafod opsiynau.

Asesu dealltwriaeth cleifion a'u gallu i gydsynio.  Cydgysylltu â'r ymchwilydd a gweithredu fel eiriolwr cleifion bob amser.

Cefnogi cleifion trwy newyddion am eu cyflwr a sgil-effeithiau triniaeth.

Bod yn gyswllt cyntaf i gleifion a pherthnasau sydd â phryderon neu gwestiynau pan fyddant gartref. 

Gweithredu fel prif gyswllt ac adnodd parhaus trwy gydol yr ymyriad astudio a'r dilyniant. 

Darparu cefnogaeth, gwybodaeth a chyswllt hawdd trwy blîp, ffôn a chyfathrebu rheolaidd. 

Atgyfeirio fel y bo’n briodol, gan gysylltu â gofal sylfaenol a lleoliadau eraill yn ôl yr angen.

Cydlynu a gweinyddu cyffuriau ar gyfer therapïau cyfnod cynnar fel y bo’n briodol gan gynnwys therapi na roddwyd i bobl o'r blaen.

Sicrhau’r diogelwch gorau i gleifion trwy hwyluso cydymffurfiaeth â phrotocolau, monitro Digwyddiadau Niweidiol a Digwyddiadau Niweidiol Difrifol, adrodd yn amserol i'r Prif Ymchwilydd a noddwr yr astudiaeth fel y bo'n briodol.

Cyngor ac addysg i gleifion a gofalwyr mewn perthynas â phroses eu clefyd, rheoli sgîl-effeithiau a’r gwasanaethau cymorth sydd ar gael iddynt.

Gwella Gwasanaethau

Cadw at Weithdrefnau Gweithredol Safonol (SOP) yr Uned Treialon Clinigol a pholisïau'r Ymddiriedolaeth heb oruchwyliaeth.

Yn gyfrifol am ddiweddariadau i’w Gweithdrefnau Gweithredol Safonol (SOP) ac am hyfforddiant dilynol i staff yn unol â newidiadau lleol, cenedlaethol a deddfwriaethol.

Cynnal a rhoi gweithdrefnau gweithredu safonol ar waith yn eich maes arbenigol.

Adolygu polisïau a gweithdrefnau sy'n ymwneud â chynnal treialon clinigol yn rheolaidd.

Cadw at bolisi a gweithdrefnau unrhyw Fwrdd Iechyd Lleol yn Ne Ddwyrain Cymru lle gellir bod â chontract anrhydeddus.

Cyllid ac Adnoddau

Asesu goblygiadau cost astudiaeth a bod â’r gallu i agor trafodaethau ariannol a chytundebau cytundebol gyda chwmnïau fferyllol, dan oruchwyliaeth Arweinydd y Tîm.

Asesu goblygiadau cost astudiaethau cyfnod cynnar masnachol ac anfasnachol o dan oruchwyliaeth yr Arweinydd Tîm.

Nodi’r goblygiadau o ran adnoddau ffisegol o fewn yr adrannau y mae’r treial yn effeithio arnynt, dan oruchwyliaeth Arweinydd y Tîm,

Prosesu Gwybodaeth

Bod yn gyfrifol am gwblhau, cynnal a chadw copïau caled a ffurflenni adrodd achos electronig sy'n cynnwys holl ddata treialon clinigol yn unol â deddfwriaeth arfer clinigol da.

Gallu derbyn, trin, dadansoddi a datrys ymholiadau yn brydlon.

Cyfrifoldeb am Ymchwil a Datblygu

Cynorthwyo arweinydd y tîm i ddechrau a chydlynu ystod o dreialon canser cyfnod cynnar yn y DU, Ewrop ac yn Fyd Eang ar gyfer Canolfan Ganser Felindre, mewn cydweithrediad â’r timau ymchwil amlddisgyblaethol perthnasol.

Yn gyfrifol am gydlynu a gweithredu protocolau ymchwil.

Cynorthwyo a goruchwylio wrth baratoi cyflwyniadau i bwyllgorau priodol, ymchwil a datblygu a chyrff eraill i'w cymeradwyo, gan weithio mewn partneriaeth ag Arweinydd y Tîm a gweinyddwr y treial.

Hyrwyddo treialon clinigol a chreu ymwybyddiaeth o Uned Treialon Clinigol Felindre a Rhwydwaith Ymchwil Canser Cymru ymhlith y GIG, a hyrwyddo ymwybyddiaeth o bortffolio cyfnod cynnar a gweithgarwch De-ddwyrain Cymru.

Yn gyfrifol am gasglu data cymhleth a chywir.