Trosolwg o'r swydd

Sylwch ar gyfer myfyrwyr Cymru, rhaid i chi wneud cais trwy Symleiddio lle gellir dod o hyd i’r holl swyddi sydd ar gael.

Mae cyfle wedi codi ar gyfer Nyrs Cofrestredig Band 5 Llawn Amser – Parhaol ar Ward 10, Ysbyty Glan Clwyd.

Mae Ward 10 yn ward sydd a 24 o welyau gyda dwy arbenigedd. Yn arbenigo mewn Diabetes ac Endocrinoleg a Meddygaeth Anadlol. Mae'r Ward yn darparu gofal i 8 o gleifion anadlol gyda amryw o gyflwr gan gynnwys rheoli ocsigen, COPD a therapi awyru cartref. Mae'r Ward hefyd hefo 16 o welyau arbenigol ar gyfer Diabetes lle rydym yn darparu gofal i gleifion gan gynnwys DKA, VRII, therapy antibiotig tymor hir a rheoli clwyf cymhleth.

Er mwyn sicrhau gofal rhagorol i gleifion ar ein Ward mae gennym gefnogaeth fawr gan y tim aml-ddisgyblaethol ehangach, gan cynnwys Orthopedeg, Fasgwlaidd Podiatreg, Hyfywedd meinwe, Therapiau a Nyrsys arbenigol gan cynnwys Nyrsys Anadol, Ocsigen a Diabetes, felly mae llawer o gyfleuoedd hyfforddi i gael. 

Mae'r gallu i siarad Cymraeg yn dymunol ar gyfer y swydd hon; Croeso i  siaradwyr Saesneg a/neu Gymraeg i ymgeisio yn gyfartal.

Prif ddyletswyddau'r swydd

Rydym yn chwilio am Nyrs uchel ei chymhelliant a brwdfrydig sydd â phrofiad o ofal iechyd ac sy'n awyddus i gynorthwyo i ddatblygu'r gwasanaeth ar gyfer y dyfodol. Mae hon yn rôl heriol sy'n gofyn am ymrwymiad ac agwedd gadarnhaol tuag at newid. Bydd gennych sgiliau cyfathrebu rhagorol a safonau clinigol uchel gydag angerdd i wneud gwahaniaeth i gleifion a staff fel ei gilydd.

Mae hwn yn gyfle cyffrous i gefnogi cleifion, rhai ag anghenion  cymhleth yn ystod eu harhosiad yn yr ysbyty. Bydd angen i ymgeiswyr allu dangos gofal a thosturi wrth ddarparu cymorth a gofal i gleifion.

Byddwch yn gyfrifol am asesu, cynllunio, gweithredu ac gwerthuso gofal nyrsio wedi'i sylfaenu ar dystiolaeth, gan weithio'n gydweithredol ac yn gydweithgar gyda phobl eraill i ddiwallu anghenion cleifion a'u teuluoedd.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.