Trosolwg o'r swydd

Rydym yn chwilio am Ymarferydd (Band 6) Un Pwynt Mynediad i’r Gwasanaeth Iechyd Meddwl Plant a Phobol Ifanc, yng Ngwynedd a Mon ; sy’n unigolyn medrus, tosturiol ac wedi’i selio ar werthoedd, i ymuno a’n tim Ymyrraeth Gynnar.

Yn y rol hon byddwch yn chwarae rhan allweddol wrth sgrinio, brysbennu ac asessu atgyfeiriadau, gan sicrhau bod plant, pobol ifanc, teuluoedd/gofalwyr yn derbyn y cymorth cywir ar yr adeg cywir. Mae’r swydd yn seiliedig ar egwyddorion a gwerthoedd fframwaith NYTH NEST framework (mental health and wellbeing): introduction | GOV.WALESac yn wybyddus o drawma ym mhob agwedd o’r gwaith.

Yn y rol yma cynnigir goruchwyliaeth reolaidd, cyfleoedd datblygiad proffesiynol (er enghraifft ‘Diploma Trauma Informed Schools and Communities’) a’r cyfle i fod yn rhan o dim cefnogol a blaengar.

Mae sgiliau Cymraeg yn ddymunol i’r swydd hon.

Am sgwrs anffurfiol, cysylltwch a Elin Sanderson; [email protected] neu 03000 850037.

Prif ddyletswyddau'r swydd

Gweithio yn unol â deddfwriaethau a nodir ym Mesur Iechyd Meddwl (Cymru) 2010.

Cyfrannu at gynnal a hwyluso Pwynt Mynediad  CAMHS.

Sgrinio, brysbennu ac asessu atgyfeiriadau, gan sicrhau bod plant, pobol ifanc, teuluoedd/gofalwyr yn derbyn y cymorth cywir ar yr adeg cywir.

Darparu gwaith uniongyrchol ac anuniongyrchol i blant/pobl ifanc ag anhwylderau iechyd meddwl dwys.

Darparu asesiad risg o wahanol ffyrdd o ymddwyn a allai fod yn niweidiol a ffactorau yn berthnasol i anhwylderau iechyd meddwl neu hunan-niweidio bwriadol.

Hyrwyddo perthnasoedd gwaith effeithiol o fewn y tîm amlddisgyblaethol drwy gydweithio ag aelodau eraill y tîm a gweithwyr proffesiynol o asiantaethau eraill.

Rhoi cyngor, ymgynghoriaeth ac arweiniad ar gyfer staff cymorth mewn ysgolion a lleoliadau cymunedol lle bo hynny'n briodol.

Cymryd rhan mewn trafodaeth glinigol ac adolygu achosion gyda chydweithwyr.

Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.