Trosolwg o'r swydd

Mae cyfle wedi codi i unigolyn brwdfrydig ymuno â’n Tîm Ysbyty Cymuned i ddarparu gofal medrus, clinigol ac effeithiol. Mae Ward Mamau yn Inffyrmari Dinbych yn ward gyda 23 gwely sy’n darparu adsefydlu a gofal diwedd oes.

Bydd deilydd y swydd yn cefnogi’r nyrs hyfforddedig a gweithwyr proffesiynol gofal iechyd eraill i ddarparu gofal o safon uchel sy’n canolbwyntio ar y claf.

Prif ddyletswyddau'r swydd

Cynorthwyo’r nyrs gofrestredig i ymgymryd â gofal nyrsio uniongyrchol.

 Ymgymryd â dyletswyddau a ddirprwywyd sy’n ymwneud â gofal cleifion sy’n cyfrannu at gefnogaeth barhaus cleifion.    Bydd hyn yn cynnwys hebrwng cleifion i amrywiol gyrchfannau heb oruchwyliaeth, yn achlysurol gan ddefnyddio cadair olwyn. 

Ymgymryd ag arsylwi cleifion: gwres, pwysedd gwaed, pwls, llawnder ocsigen,  glwcos y gwaed a phrawf wrin ar ôl cyfnod priodol o gyfarwyddyd a hyfforddiant mewnol.

 Hysbysu unrhyw newidiadau sydd i’w gweld yng nghyflwr claf i'r nyrs mewn gofal. 

Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.