Trosolwg o'r swydd

Mae hwn yn gyfle cyffrous i ymgeisydd llwyddiannus ymuno â'r Ystafell IV/Adran Cleifion Allanol yn Ysbyty Dinbych. O fewn yr adran rydym yn cynnig therapi mewnwythiennol ac yn darparu clinigau cleifion allanol yn agosach at adref i'r rhai yn ein cymuned.

Rydym yn chwilio am Weithiwr Cymorth Gofal Iechyd brwdfrydig a thosturiol i ymuno â'n tîm. Bydd deiliad y swydd yn dangos sgiliau cyfathrebu da ac yn ymrwymo i ofal cleifion rhagorol. Bydd deiliad y swydd yn cefnogi'r nyrsys cofrestredig i ddarparu gofal diogel ac effeithiol o ansawdd uchel. Bydd deiliad y swydd yn chwarae rhan allweddol wrth sicrhau taith esmwyth i'r claf gan gynorthwyo gyda pharatoi, darparu a monitro gofal o fewn amgylchedd clinigol prysur.

 Gan weithio o dan oruchwyliaeth y nyrs gofrestredig byddwch yn cefnogi cleifion sy'n derbyn trwythiadau mewnwythiennol, yn paratoi offer ac yn paratoi ardaloedd clinigol. Byddwch yn darparu sicrwydd a chefnogaeth i'r cleifion, gan hyrwyddo urddas a pharch bob amser. Disgwylir i ddeiliad y swydd gynnal safonau uchel o ran rheoli heintiau a gallu gweithio'n llwyddiannus fel rhan o dîm amlddisgyblaethol.

Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad.

Prif ddyletswyddau'r swydd

• Gweithio fel rhan o'r tim amlddisgyblaethol sy'n darparu gofal i gleifion gyda chymorth a goruchwyliaeth a ddarperiir gan weithiwr gofal iechyd proffesiynold cofrestredig.
• Bydd yn cyflawni gweithgareddau a thasgau  gofal personol fel y'u dirprwyir gan weithiwr gofal iechyd proffesiynol cofrestredig, yn unol a Chanllawiau Dirprwyo Cymru Gyfan AaGIC.
• Sicrhau bod y gweithiwr gofal iechyd proffesiynol cofrestredig un cael ur wybodaeth ddiweddaraf yn rheolaidd am gyflwrt y claf/cleieint a'i welliant/dirywiad.
• Cynnal safonau uchel o lanweithdra yn y lleoliad gofal iechy a storio eitemau stoc yn briodol.
• Cyflawni rol yn unol a Gwerthoedd y Bwrdd Iechyd/Ymddiriedolaeth a'r Cod Ymddygiad ar gyfer Gweithwyr Cymorth Gofal Iechyd ung Nghymru.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.