Trosolwg o'r swydd

•  Gweithio fel rhan o'r tîm amlddisgyblaethol sy'n darparu gofal i gleifion gyda chymorth a goruchwyliaeth a ddarperir gan weithiwr gofal iechyd proffesiynol cofrestredig.
• Bydd yn cyflawni gweithgareddau a thasgau gofal personol fel y’u dirprwyir gan weithiwr gofal iechyd proffesiynol cofrestredig, yn unol â Chanllawiau Dirprwyo Cymru Gyfan AaGIC.
•  Sicrhau bod y gweithiwr gofal iechyd proffesiynol cofrestredig yn cael yr wybodaeth ddiweddaraf yn rheolaidd am gyflwr y claf/cleient a'I welliant/dirywiad.
•  Cynnal safonau uchel o lanweithdra yn y lleoliad gofal iechyd a storio eitemau stoc yn briodol.
•  Cyflawni rôl yn unol â Gwerthoedd y Bwrdd Iechyd/Ymddiriedolaeth a'r Cod Ymddygiad ar gyfer Gweithwyr Cymorth Gofal Iechyd yng Nghymru.

Prif ddyletswyddau'r swydd

Ymgymryd â gofal yn unol â chyfarwyddyd y gweithiwr gofal iechyd proffesiynol cofrestredig, gan ddilyn cynlluniau gofal y cytunwyd arnynt, a darparu gwybodaeth i'r gweithiwr gofal iechyd proffesiynol cofrestredig a fydd yn monitro ac yn diwygio’r cynlluniau gofal.

Adnabod ac adrodd ar newidiadau a welwyd yn anghenion corfforol a seicolegol y claf i weithiwr gofal iechyd proffesiynol cofrestredig.

Cael cydsyniad ar sail gwybodaeth cyn darparu gofal, deall y camau gweithredu sydd eu hangen os gwrthodir gofal.

Arddangos gofal a thosturi at gleifion, gofalwyr a pherthnasau i helpu i sicrhau gofal o ansawdd uchel i gleifion bob amser mewn modd sy’n canolbwyntio ar yr unigolyn.

Darparu gofal personol i gleifion/cleientiaid, gan gynnwys defnyddio'r gawod neu'r bath, cyfleusterau ymolchi, gwisgo, cefnogi anghenion hylendid y geg, galluogi cleifion i ddiwallu eu hanghenion hylendid, cael mynediad i doiledau a'u defnyddio, casglu a chael gwared ar wastraff corfforol, gan sicrhau bod preifatrwydd, urddas, a diogelwch yn cael eu cynnal. Gall hyn olygu defnyddio teclynnau codi, cadeiriau olwyn neu gymhorthion symudedd eraill.

Cynorthwyo pobl i fwyta ac yfed trwy ddewis bwyd a diodydd priodol a'u galluogi i baratoi ar gyfer bwyta ac yfed, gan eu cynorthwyo lle bo'n briodol.

Gwneud popeth posibl i sicrhau cysur, urddas a diogelwch cleifion, cleientiaid, teulu a ffrindiau, ac i uniaethu â charedigrwydd ac empathi i bawb dan sylw.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.