Trosolwg o'r swydd

MAE’R SWYDD HON AM SECONDIAD TAN 1 EBRILL 2027 OHERWYDD CYFNOD MAMOLAETH.

Os oes diddordeb gyda chi mewn ceisio am swydd secondiad, mae’n rhaid i chi gael caniatad eich rheolwr llinell presennol cyn i chi geisio am y swydd hon.

Mae Ward 12 yn cynnig cyfle cyffrous i ymuno â'n Ward Arenol. Rydym yn chwilio am Ddirprwy Reolwr Ward sydd yn hynod gymhellol ac egniol i gynorthwyo wrth ddatblygu'r gwasanaeth ar gyfer y dyfodol.

Rydym am recriwtio Nyrs Gofrestredig Band 6 brwdfrydig a llawn cymhelliant sydd â diddordeb mewn Clefyd Siwgar, Endocrin ac Arennol sy'n angerddol am ddarparu gofal o safon uchel.

Mae hon yn rol sydd yn mynnu ymrwymiad positif efo dynesiad arweinyddol tuag at newid. Mi fydd ganddoch sgiliau rhagorol mewn cyfathrebu ac safonau uchel mewn sgiliau clinigol efo angerdd i wneud gwahaniaeth i fywyd cleifion a staff eraill.  Byddwch yn rheoli gweithgareddau mewn modd effeithiol ac effeithlon.

Prif ddyletswyddau'r swydd

Disgwylir i bob ymgeisydd gadw at fentrau ac ymyriadau newydd o fewn gofal nyrsio. Disgwylir i'r Dirprwy Reolwr Ward barhau i redeg y ward yn absenoldeb rheolwr y ward. Darparu cefnogaeth gydag asesiadau staff, salwch a chefnogaeth hyfforddi.

Mae'r gallu i siarad Cymraeg yn ddymunol ar gyfer y swydd hon; mae croeso cyfartal i siaradwyr Cymraeg a/neu Saesneg wneud cais.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg