NursingNetUK

PWY YDYM NI:

Bwrdd Iechyd Prifysgol Caerdydd a’r Fro yw un o’r Byrddau Iechyd Integredig mwyaf yn y DU, yn cyflogi dros 14,000 o staff ac yn darparu dros 100 o wasanaethau arbenigol. Mae gennym amrywiaeth o yrfaoedd i’w cynnig ar draws 6 safle ysbyty. Gan wasanaethu tua 500,000 o bobl sy’n byw yng Nghaerdydd a’r Fro, ein ffocws yw anghenion iechyd a gofal ein poblogaeth leol a gwaith partneriaeth i ddatblygu gwasanaethau rhanbarthol. Ar y cyd, rydym yn ymrwymedig i wella canlyniadau iechyd i bawb a darparu gofal a chefnogaeth ragorol.

Ein cenhadaeth yw “Gofalu am Bobl, Cadw Pobl yn Iach”, a’n gweledigaeth yw y dylai siawns pob unigolyn o fyw bywyd iach fod yn gyfartal. Ein strategaeth trawsnewid a gwella 10 mlynedd, Llunio ein Llesiant i’r Dyfodol, yw ein cyfle i gydweithio â’r cyhoedd a’n gweithlu i sicrhau bod ein bwrdd iechyd yn fwy cynaliadwy ar gyfer y dyfodol.

Rydym yn Fwrdd Iechyd addysgu, â chysylltiadau agos â’r brifysgol. Gyda’n gilydd rydym yn hyfforddi’r genhedlaeth nesaf o weithwyr gofal iechyd proffesiynol, gan weithio ar ymchwil a fydd yn arwain at wella afiechydon heddiw.

Mae gan Gaerdydd, prifddinas ffyniannus Cymru, rywbeth at ddant pawb. Mae Castell Caerdydd yn ganolbwynt i’r ddinas, gyda 2000 o flynyddoedd o hanes. Gerllaw saif Stadiwm Principality, cartref Undeb Rygbi Cymru, lle cynhelir digwyddiadau chwaraeon rhyngwladol. Mae digonedd o theatrau a lleoliadau cerddoriaeth byw yng Nghaerdydd hefyd, ac amrywiaeth o fflatiau, bariau a thai bwyta newydd ym Mae Caerdydd.

Ceir cyfuniad o gefn gwlad hardd Cymru ac arfordir naturiol dramatig ym Mro Morgannwg, gan gynnwys yr enwog Arfordir Treftadaeth Morgannwg. Y Bont-faen, Penarth a Llanilltud Fawr yw rhai o’r trefi hudolus cyfagos.

Mae’n bosibl y bydd y rhai hynny sy’n chwilio am fwy o ddiwylliant yn cael eu denu at yr Amgueddfa Genedlaethol, Sain Ffagan Amgueddfa Werin Cymru neu Ganolfan y Mileniwm, cartref Opera Cenedlaethol Cymru.

P’un ai’n fywyd dinesig neu’n fywyd gwledig, mae Caerdydd a’r Fro yn cynnig y gorau o’r ddau fyd.

Manyleb y person

RHEOLI EICH CAIS:

Rydym wedi ymrwymo i hyrwyddo cynhwysiant, lle mae gan bob aelod o staff ymdeimlad o berthyn. Rydym yn croesawu ceisiadau gan bawb ac yn cydnabod yr angen i’n gweithlu gynrychioli amrywiaeth y boblogaeth rydym yn ei gwasanaethu. Rydym yn gwerthfawrogi ein gwahaniaethau ac yn hyrwyddo, meithrin a chefnogi amgylchedd gwaith cynhwysol yn llawn lle mae staff yn trin ei gilydd ag urddas a pharch a lle caiff amrywiaeth ei dathlu. Ein nod yw creu amgylchedd gwaith lle gall pob unigolyn gyflawni ei botensial waeth beth fo’i anabledd, rhyw, hunaniaeth o ran rhywedd, hil, cyfeiriadedd rhywiol, oedran, crefydd neu gred, beichiogrwydd a mamolaeth neu briodas a statws partneriaeth sifil. Rydym yn awyddus i chwalu rhwystrau yn y BIP, ac yn annog ceisiadau gan grwpiau a dangynrychiolir.

Rydym yn croesawu ceisiadau yn y Gymraeg. Ni chaiff cais sydd wedi ei gyflwyno yn y Gymraeg ei drin yn llai ffafriol na chais sydd wedi ei gyflwyno yn y Saesneg.

Mae’r BIP yn cadw’r hawl i gau’r swydd wag hon ar ôl 24 awr os bydd nifer uchel o geisiadau addas yn dod i law. O ganlyniad, rydyn ni’n eich annog i wneud cais yn gynnar i sicrhau y cewch chi eich ystyried ar gyfer y swydd hon.

Gwiriwch eich cyfrif e-bost yn rheolaidd. Bydd ymgeiswyr llwyddiannus yn derbyn eu holl ohebiaeth am y broses recriwtio trwy’r cyfrif e-bost gafodd ei nodi ar y ffurflen gais.

Er mwyn gweithio yn y DU, mae’n rhaid i’r holl ymgeiswyr nad ydynt yn wladolion o’r DU neu Weriniaeth Iwerddon gael nawdd er mwyn meddu ar naill ai fisa Iechyd a Gofal neu fisa Gweithiwr Medrus, oni bai fod gennych hawl i weithio drwy ffordd arall. Dylai ymgeiswyr nad ydynt o’r DU / Gweriniaeth Iwerddon sy’n dymuno gwneud cais, hunanasesu’r tebygolrwydd o gael Tystysgrif Nawdd trwy fynd i Gweithio yn y DU. Os ydych chi’n gymwys am fisa Iechyd a Gofal, mae costau gwneud cais yn is ac nid oes angen i chi dalu’r Gordal Iechyd Mewnfudo blynyddol.