Trosolwg o'r swydd

NODER MAI DIM OND CEISIADAU GAN STAFF A GYFLOGIR GAN GIG CYMRU AR HYN O BRYD Y BYDDWN YN EU DERBYN.

MAE’R SWYDD HON AM SECONDIAD AM 12 MIS OHERWYDD CYLLIDO

OS OES DIDDORDEB GYDA CHI MEWN CEISIO AM SWYDD SECONDIAD, MAE’N RHAID I CHI GAEL CANIATAD EICH RHEOLWR LLINELL PRESENNOL CYN I CHI GEISIO AM Y SWYDD HON. 

Mae cyfle cyffrous wedi codi ar gyfer swydd Bydwraig Ymgynghorol o fewn Rhwydwaith Mamolaeth a Newyddenedigol Cymru.

Bydd y swydd arweinyddiaeth allweddol hon yn cefnogi cyflawni rhaglen waith y rhwydwaith, sydd wedi'i chynllunio i wella canlyniadau beichiogrwyd

Bydd gan ddeiliad y swydd lefel sylweddol o brofiad fel bydwraig ymgynghorol arbenigol ar y gofrestr ymarfer, gyda thystiolaeth o sgiliau arweinyddiaeth rhagorol, gan ysbrydoli eraill i wella safonau a chysondeb gofal i fenywod ledled Cymru.

Hysbysebir y swydd fel secondiad o flwyddyn gyda Pherfformiad a Gwella GIG Cymru.

Bydd gofyn i ddeiliad y swydd deithio i gyflawni gofynion y rôl.

Mae'r gallu i siarad Cymraeg yn ddymunol ar gyfer y swydd hon; mae croeso cynnes i siaradwyr Cymraeg a/neu Saesneg ymgeisio.

Prif ddyletswyddau'r swydd

Bydd deiliad y swydd yn fydwraig uwch brofiadol gyda sgiliau arweinyddiaeth profedig a thystiolaeth o gydweithio. Bydd yn gweithio mewn partneriaeth ag Arweinwyr Clinigol a Bydwreigiaeth y Rhwydwaith a chydweithwyr rhwydwaith eraill, wrth ddatblygu a gweithredu'r rhaglen waith yn unol â'r blaenoriaethau a nodwyd.

Bydd yn darparu arweinyddiaeth a chefnogaeth ar gyfer rhaglenni / prosiectau penodol, yn ogystal â darparu cyngor arbenigol ar fydwreigiaeth i ffrydiau gwaith eraill y rhwydwaith ac agweddau ar fusnes y Rhwydwaith.

Bydd yn hyrwyddwr dros wasanaethau Mamolaeth, gan weithredu fel pwynt cyswllt ymgynghorol i randdeiliaid a rhoi cefnogaeth ac arweiniad clinigol i uwch dîm y Rhwydwaith Mamolaeth a Newyddenedigol, i sicrhau bod safonau darpariaeth gwasanaethau Mamolaeth yn parhau i wella ledled Cymru.

Gweithio i'n sefydliad

Mae gan Perfformiad a Gwella GIG Cymru (Gweithrediaeth GIG Cymru gynt) ran bwysig a gwerthfawr i’w chwarae wrth gyflawni blaenoriaethau allweddol Llywodraeth Cymru:

•    Cefnogi GIG Cymru i ddarparu gwell gwasanaethau iechyd i gleifion a'r cyhoedd
•    Cefnogi Gweinidogion i gadw GIG Cymru yn atebol am ddarparu gwasanaethau iechyd
 
Ers i Perfformiad a Gwella GIG Cymru gael ei sefydlu ym mis Ebrill 2023, mae sylfeini cadarn wedi'u rhoi ar waith o fewn y sefydliad, gan gynnwys dull gweithredu mwy cydgysylltiedig a gwybodus rhwng gwaith datblygu polisi a darpariaeth weithredol y GIG, a gwell cydlynu a chydweithredu ar draws systemau a llwybrau cyfan. Gan adeiladu ar y sylfaen hon, nod Perfformiad a Gwella GIG Cymru yw bod yn ganolfan ragoriaeth gydnabyddedig yn ei maes, yn effeithlon ac yn ymatebol i anghenion GIG Cymru a Gweinidogion, gan gefnogi arfer gorau, a symleiddio atebolrwydd.

Bydd Perfformiad a Gwella GIG Cymru yn cefnogi'r GIG drwy ddarparu:

• Gwasanaethau gwella
• Cymorth i arloesi
• Cymorth ym maes gwerth a chynaliadwyedd
• Arbenigedd clinigol mewn gwella gwasanaethau, gan fanteisio ar y gorau yng Nghymru
• Cymorth cyflenwi rhanbarthol

Bydd Perfformiad a Gwella GIG Cymru yn cefnogi Gweinidogion drwy ddarparu:

• Cymorth o ran darpariaeth ariannol
• Cymorth o ran rheoli perfformiad
• Cyngor cynllunio
• Cyngor i Lywodraeth Cymru ar ddefnyddio pwerau cyfarwyddydau ac ymyriadau