Trosolwg o'r swydd

Mae cyfle ar gael i ymgeisydd addas sydd â phrofiad rheoli sylweddol weithio fel Uwchbrif Nyrs yng Nghlinig Llygaid Ffordd y Gogledd yn Aberystwyth, Ceredigion. Bydd gan yr ymgeisydd delfrydol brofiad o weithio mewn uned Offthalmoleg hefyd, er y gellir darparu hyfforddiant os na ellir bodloni’r safon hon.

Mae Clinig Llygaid Ffordd y Gogledd yn cynnig amgylchedd gwaith unigryw gyda chymysgedd o glinigau offthalmoleg, clinigau laser a chlinigau ar gyfer pigiadau llygaid, gan wneud hwn yn gyfle gwych i ddysgu a datblygu. Mae’r uned hefyd yn cwmpasu gweithgarwch ar safleoedd gwahanol, felly gellir disgwyl teithio achlysurol.

Arddel atebolrwydd am reoli’r adran, gan gynnwys arwain a datblygu’r sefydliad nyrsio craidd wrth ddarparu gofal nyrsio tosturiol, effeithiol, o’r radd flaenaf, sy’n canolbwyntio ar y claf; a rheoli pobl mewn modd teg, gonest ac ystyriol. 

Darparu arweinyddiaeth, cymorth, goruchwyliaeth ac arweiniad nyrsio gweladwy a phroffesiynol, ynghyd â chyngor clinigol arbenigol, ac ymgymryd â gweithgareddau rheoli a monitro yn ôl gofynion cyfreithiol a phroffesiynol, rheolau statudol a pholisïau’r Bwrdd Iechyd sy’n ymwneud ag ymarfer seiliedig ar dystiolaeth. 

Prif ddyletswyddau'r swydd

Gweithio’n annibynnol i gynllunio eich amserlenni gwaith eich hun, gan ystyried eich cyfrifoldebau rheoli dyddiol ac wythnosol, ynghyd â’r agweddau arwain a goruchwylio ar y rôl. 

Goruchwylio gwaith proffesiynol a chlinigol y staff nyrsio yn y maes clinigol, gan ddyrannu gwaith yn effeithiol yn seiliedig ar sgiliau a gallu’r staff a gofynion y cleifion, a dirprwyo’r gwaith o ddarparu gofal lle y bo’n briodol, yn unol â fframwaith dirprwyo GIG Cymru, gan sicrhau bod staff yn defnyddio arfer sy’n seiliedig ar dystiolaeth. 

Cefnogi staff i gynnal y safonau yng Nghod y Cyngor Nyrsio a Bydwreigiaeth (2018), a hynny’n rhan o’r broses o ddarparu gofal diogel o’r ansawdd a ddisgwylir gan ddefnyddwyr gwasanaethau a rheoleiddwyr. 

Cymryd cyfrifoldeb am amserlennu staff yn effeithiol, er mwyn sicrhau bod gan y ward lefelau sgiliau a staffio effeithiol i ateb y galw; a bod iechyd a lles y staff yn ystyriaeth allweddol sy’n sylfaen i’r amserlenni a lunnir.  

Cymryd cyfrifoldeb dros gaffael a chynnal asedau ffisegol a chyflenwadau arbenigol ar gyfer y ward, gan sicrhau costeffeithiolrwydd, e.e. cwblhau ceisiadau cyfalaf, ceisiadau i gronfeydd elusennol. 

Cynnal, monitro a gwerthuso safonau, gan sicrhau bod gofal o ansawdd sy’n seiliedig ar dystiolaeth yn cael ei ddarparu gan y tîm clinigol, a herio gyda pharch/chymryd camau priodol pan fo’r safonau gofal yn is na’r hyn sy’n ddisgwyliedig.

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio.

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

• Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd
• Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro
• Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall
• 47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 99 o fferyllfeydd cymunedol;
•  43 o bractisau offthalmig cyffredinol; ac 8 o ddarparwyr offthalmig cartref
• Lleoliadau niferus yn darparu gwasanaethau iechyd meddwl ac anableddau dysgu