Trosolwg o'r swydd

A ydych yn brofiadol ym maes diogelu ac amddiffyn y cyhoedd?

Mae gennym gyfle unigryw a chyffrous i arweinydd nyrsio profiadol yn y tîm Diogelu Corfforaethol. Rydym yn dîm cyfeillgar a chefnogol sy’n chwilio am Nyrs Enwebedig aymarferydd arweiniol profiadol sy’n cymell ei hun i arwain y BIP i gyflawni’r cyfrifoldebau statudol i ddiogelu plant ac oedolion sydd mewn perygl o gamdriniaeth ac esgeulustod.

Bydd deiliad y swydd yn darparu sgiliau a chymwyseddau uwch i ddylanwadu ar y gwaith o gyflawni’r blaenoriaethau gweithredol a strategol ar gyfer diogelu ac amddiffyn plant ym Mwrdd Iechyd Prifysgol Hywel Dda, gan roi cymorth yn hynny o beth. Bydd yn cyflenwi 
arweinyddiaeth broffesiynol berthnasol o ran diogelu, ac yn sicrhau bod cyngor arbenigol ar gael ledled BIP Hywel Dda, gan gynnwys ym maes gofal sylfaenol.

Bydd deiliad llwyddiannus y swydd yn gweithio'n rhan o Dîm Diogelu corfforaethol y BIP, a hynny ar lefelau strategol a gweithredol fel ei gilydd. Bydd yn darparu arweinyddiaeth gref mewn partneriaeth ag asiantaethau eraill, gan adrodd i’r Pennaeth Diogelu.

Gallwn gefnogi model gweithio hybrid.

Prif ddyletswyddau'r swydd

Mae’r timau Diogelu Corfforaethol a'r timau Plant sy’n Derbyn Gofal yn cydweithio’n agos i weithredu prosesau atal, nodi, asesu ac ymateb ar gyfer pob oedran yn achos y rhai hynny ym Mwrdd Iechyd y Brifysgol y mae camdriniaeth ac esgeulustod, trais domestig a thrais rhywiol yn effeithio arnynt.

Bydd deiliad y swydd yn rheoli’r Ymarferwyr Diogelu Arbenigol, a bydd yn gweithio mewn partneriaeth agos ag ystod o asiantaethau statudol ac anstatudol mewnol ac allanol. Mae'r rhain yn cynnwys partneriaid yn yr Awdurdodau Lleol; Heddlu Dyfed-Powys; Grwpiau Strategol a Chyflawni Rhanbarthol Trais yn erbyn Menywod, Cam-drin Domestig a Thrais Rhywiol (VAWDASV) Canolbarth a Gorllewin Cymru; rhwydwaith VAWDASV GIG Cymru; Bwrdd Diogelu Oedolion a Phlant Rhanbarthol Canolbarth a Gorllewin Cymru, a grwpiau eraill fel y bo'n briodol.

Bydd deiliad y swydd yn arbenigwr arweiniol yn ei faes, ac yn gallu gweithio'n annibynnol ond mewn cysylltiad agos â'r Meddyg Penodol a'r Pennaeth Diogelu.

Bydd yn goruchwylio'r broses o weithredu deddfwriaeth a chanllawiau perthnasol o ran diogelu ac amddiffyn y cyhoedd.

Bydd yn darparu cymorth a chyngor i gyd-weithwyr yn y gwaith o gyflawni asesiadau clinigol a gofal o blant a phobl ifanc, ac yn mabwysiadu dull pob oedran lle ceir pryderon diogelu/amddiffyn plant yn rhan o’i rôl, ond bydd yn eglur ynghylch atebolrwydd proffesiynol clinigol personol gweithwyr eraill.

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio.

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

• Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd
• Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro
• Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall
• 47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 99 o fferyllfeydd cymunedol;
•  43 o bractisau offthalmig cyffredinol; ac 8 o ddarparwyr offthalmig cartref
• Lleoliadau niferus yn darparu gwasanaethau iechyd meddwl ac anableddau dysgu