Trosolwg o'r swydd

A ydych yn Ymarferydd Sgrybs profiadol a llawn cymhelliant sy'n barod i gymryd y cam nesaf yn eich gyrfa?

Rydym wrth ein bodd ein bod yn recriwtio Ymarferwyr Sgrybs Band 6 i ymuno â'n  Theatr fywiog yn Ysbyty Glangwili!

Mae ein theatrau'n cefnogi ystod eang o arbenigeddau, gan gynnwys Llawfeddygaeth Gyffredinol Frys, Obstetreg a Gynaecoleg Dewisol a Brys, Trawma ac Orthopedig, y Glust, y Trwyn a'r Gwddf, Wroleg, ac Offthalmoleg – gan gynnig profiad clinigol cyfoethog ac amrywiol. Os oes gennych y sgiliau hyn, byddem wrth ein bodd yn clywed gennych!

Fel gweithiwr Band 6, byddwch yn chwarae rhan allweddol wrth gefnogi ein Prif Nyrsys Band 7 gyda rheolaeth weithredol ddyddiol yr ystafell theatr, gan sicrhau bod gofal cleifion o safon uchel a gwasanaeth hwylus ac effeithlon yn cael eu darparu.

Byddwch yn rhan o dîm brwdfrydig a dynamig mewn amgylchedd dysgu cyfeillgar a chefnogol, lle mae dysgu a datblygu yn cael eu hyrwyddo gan ein Tîm Datblygu Ymarfer pwrpasol.  Rydym wedi ymrwymo i arloesedd a thwf proffesiynol parhaus, ynghyd â chyfleoedd rhagorol i wella eich sgiliau arweinyddiaeth a datblygu eich gyrfa.Sylwer: mae'r rôl hon yn cynnwys gweithio y tu allan i oriau gwaith a chymryd rhan mewn rota ar alwad i gefnogi ein gwasanaeth 24/7.

Dewch i fod yn rhan o rywbeth eithriadol – lle mae eich arweinyddiaeth, eich arbenigedd a'ch uchelgais yn cael eu gwerthfawrogi'n fawr iawn.

Prif ddyletswyddau'r swydd

Cefnogi arweinydd(ion) yr adran i gynnal gwasanaeth effeithlon ac effeithiol sy'n darparu gofal diogel i gleifion mewn amgylchedd sy'n hyrwyddo ymagwedd ymatebol at anghenion gofal iechyd sy'n newid.

Darparu sgiliau rheoli ac arwain goruchwyliol, a byddwch yn awyddus i sicrhau hunanddatblygiad mewn perthynas ag astudiaethau rheoli ac arwain.

Cefnogi a chydweithio â'r Rheolwyr Tîm i sicrhau bod gofal nyrsio o safon uchel yn cael ei ddarparu mewn modd effeithiol.

Arwain y gwaith o redeg maes/adran glinigol arbenigol o ddydd i ddydd, a phan neilltuir hynny, chi fydd cydlynydd dyddiol yr adran, gan ddarparu sgiliau rheoli ac arwain goruchwyliol mewn amgylchedd sy’n gymhleth ac o dan bwysau.

Bod yn ymarferydd brys medrus a fydd yn gweithio'n annibynnol i gefnogi cyd-weithwyr eraill i gydlynu'r meysydd clinigol a darparu gwybodaeth arbenigol, a hynny gan sicrhau bod gweithlu nyrsio/ymarferwyr medrus yn cael ei gynnal a'i ddatblygu.

Cymryd rhan mewn rota ar alwad a rota nos, ar delerau'r Agenda ar gyfer Newid.

Mae'r gallu i siarad Cymraeg yn ddymunol ar gyfer y swydd hon; mae croeso i siaradwyr Cymraeg a/neu Saeneg wneud cais. 

Cyfweliadau i'w cynnal ar 16/09/2025.

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio.

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

• Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd
• Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro
• Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall
• 47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 99 o
• fferyllfeydd cymunedol; 43 o bractisau offthalmig cyffredinol; ac 8 o ddarparwyr offthalmig cartref
• Lleoliadau niferus yn darparu gwasanaethau iechyd meddwl ac anableddau dysgu