Trosolwg o'r swydd

A ydych yn Ymarferydd Anestheteg profiadol, llawn cymhelliant sy’n barod i gymryd y cam nesaf yn eich gyrfa?

Rydym yn falch iawn o fod yn recriwtio Ymarferwyr Anestheteg Band 6 i ymuno â'n Hystafelloedd Theatr prysur yn Ysbyty Glangwili!

Mae ein theatrau'n cefnogi ystod eang o arbenigeddau, gan gynnwys Llawfeddygaeth Gyffredinol Frys, Obstetreg a Gynaecoleg Dewisol a Brys, Trawma ac Orthopedig, y Glust, y Trwyn a'r Gwddf, Wroleg, ac Offthalmoleg – gan gynnig profiad clinigol cyfoethog ac amrywiol. Os oes gennych y sgiliau hyn, byddem wrth ein bodd yn clywed gennych.

A chithau’n weithiwr Band 6, byddwch yn chwarae rhan allweddol wrth gefnogi ein Tîm Arwain Band 7 gyda rheolaeth weithredol yr ystafelloedd theatr o ddydd i ddydd, gan sicrhau gofal o safon i gleifion a gwasanaeth hwylus ac effeithlon.

Byddwch yn rhan o dîm dynamig, uchel ei gymhelliant mewn amgylchedd dysgu cyfeillgar a chefnogol, lle mae dysgu a datblygu yn cael eu hyrwyddo gan ein Tîm Datblygu Ymarfer pwrpasol. Rydym wedi ymrwymo i arloesi a thwf proffesiynol parhaus, ynghyd â chyfleoedd rhagorol i wella eich sgiliau arwain a chamu ymlaen yn eich gyrfa. Sylwer: 
mae'r rôl hon yn cynnwys gweithio y tu allan i oriau gwaith a chymryd rhan mewn rota ar alwad i gefnogi ein gwasanaeth 24/7.

Dewch i fod yn rhan o rywbeth eithriadol – lle mae eich arweinyddiaeth, eich arbenigedd a'ch uchelgais yn cael eu gwerthfawrogi'n fawr iawn.

Prif ddyletswyddau'r swydd

Mae gan yr Adran amgylchedd cefnogol a chyfeillgar, sy'n canolbwyntio'n gryf ar waith tîm a gofal cleifion. Byddai'n ofynnol i'r ymgeisydd llwyddiannus feddu ar gymhwyster Nyrs Gyffredinol Gofrestredig / Nyrs Gofrestredig neu Ymarfer Adran Lawdriniaethau. 

Rydym wrthi’n darparu lleoliadau myfyrwyr, felly rhaid i ymgeiswyr feddu ar gymhwyster mentora neu fod yn barod i weithio tuag at un. 

Darparu sgiliau rheoli ac arwain goruchwyliol, ac yn awyddus i sicrhau hunanddatblygiad mewn perthynas ag astudiaethau arwain.

Cefnogi arweinwyr adrannol i gynnal gwasanaeth effeithlon ac effeithiol sy'n darparu gofal diogel i gleifion, a hynny mewn amgylchedd sy'n hyrwyddo ymagwedd ymatebol at anghenion gofal iechyd sy'n newid.

Arwain y gwaith o redeg ardaloedd clinigol arbenigol o ddydd i ddydd, a phan neilltuir hynny, chi fydd Cydlynydd Theatrau yr adran, gan ddarparu sgiliau rheoli ac arwain goruchwyliol mewn amgylchedd sy’n gymhleth ac o dan bwysau.

Darparu gofal brys ar draws safle’r ysbyty ar blipiau argyfwng sy’n cefnogi’r timau Dadebru, Ymateb i Drawma ac Obstetreg.

Bod yn ymarferydd brys medrus a fydd yn gweithio’n annibynnol i gefnogi cyd-weithwyr eraill i gydlynu ardaloedd clinigol a darparu gwybodaeth arbenigol, a hynny gan sicrhau bod gweithlu o Nyrsys/Ymarferwyr medrus yn cael ei gynnal a’i ddatblygu.

Mae'r gallu i siarad Cymraeg yn ddymunol ar gyfer y swydd hon; mae croeso i siaradwyr Cymraeg a/neu Saeneg wneud cais. 

Cyfweliadau i'w cynnal ar 20/07/2026

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio.

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

• Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd 
• Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro
• Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall
• 47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 99 o fferyllfeydd cymunedol; 43 o bractisau offthalmig cyffredinol; ac 8 o ddarparwyr offthalmig cartref
• Lleoliadau niferus yn darparu gwasanaethau iechyd meddwl ac anableddau dysgu