Trosolwg o'r swydd

Rydym yn chwilio am Therapydd Deintyddol Cymunedol ymroddedig i ymuno â'n Gwasanaeth Deintyddol Cymunedol yn Sir Gaerfyrddin. Mae'r rôl hon yn cynnig cyfle ystyrlon i ddarparu gofal deintyddol o safon, sy'n canolbwyntio ar atal, i blant, pobl ifanc, ac aelodau o'r gymuned sy’n agored i niwed.

Prif safle’r swydd fydd Clinig Elizabeth Williams, Llanelli, gan ddarparu canolfan glinigol sefydlog. Wedi dweud hynny, efallai y bydd disgwyl darparu gofal yn achlysurol mewn lleoliadau cymunedol ledled yr ardal, gan gefnogi gwasanaethau allgymorth a gwella mynediad i'r rhai â’r angen mwyaf.

Byddwch yn chwarae rhan allweddol wrth wella canlyniadau iechyd y geg trwy ofal sy'n canolbwyntio ar y claf, ymyriad cynnar, ac addysg, gan weithio'n agos gyda deintyddion a nyrsys deintyddol yn rhan o dîm amlddisgyblaethol. Bydd yr ymgeisydd delfrydol yn cael ei ysgogi gan leihau anghydraddoldeb ym maes iechyd y geg, yn hyderus mewn ymarfer clinigol annibynnol, ac wedi ymrwymo i ddarparu gofal tosturiol, proffesiynol ar draws lleoliadau amrywiol.

Prif ddyletswyddau'r swydd

Bydd yr ymgeisydd llwyddiannus yn gwneud y canlynol:

· Cymhwyso gwybodaeth am lwybrau cleifion deintyddol cymunedol i ddarparu gofal diogel, effeithiol ac arfer gorau o fewn y Gwasanaeth Deintyddol Cymunedol.

· Gweithio dan drefniadau Mynediad Uniongyrchol ac yn unol â Chyfarwyddebau Grŵp Cleifion y Bwrdd Iechyd.

· Cadw at God Ymddygiad y Cyngor Deintyddol Cyffredinol, safonau proffesiynol, moeseg y tîm deintyddol, a bodloni’r holl ofynion DPP craidd.

· Datblygu, cynnal ac adolygu cynlluniau triniaeth cywir a chynhwysfawr, gan sicrhau bod gofal yn parhau i fod o fewn cwmpas ymarfer y Cyngor Deintyddol Cyffredinol ac wedi'i deilwra i anghenion cleifion unigol.

· Cynnal asesiad parhaus o gleifion, gan gynnwys cydsyniad, hanes meddygol a chymdeithasol, a diweddaru systemau clinigol yn ôl y gofyn.

· Defnyddio barn broffesiynol i addasu cynlluniau triniaeth yn ôl yr angen, gan gynnwys darparu triniaeth ychwanegol o fewn y cwmpas ymarfer a ganiateir i gyflawni'r canlyniadau clinigol gorau posibl.

· Darparu cyngor ataliol clir ac effeithiol, gan gynnwys cyfarwyddyd hylendid y geg a chwnsela deietegol.

· Cadw cofnodion cleifion cywir, amserol a chyfrinachol yn unol â pholisïau Bwrdd Iechyd Prifysgol Hywel Dda a gofynion y Cyngor Deintyddol Cyffredinol.

· Cyfrannu'n gadarnhaol at ddull tîm o ddarparu gofal, gan gefnogi gwell mynediad at wasanaethau deintyddol a hyrwyddo cydraddoldeb iechyd y geg ar draws y gymuned.

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio.

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

• Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd
• Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro
• Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall
• 47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 97 o fferyllfeydd cymunedol; 43 o bractisau offthalmig cyffredinol; ac 8 o ddarparwyr offthalmig cartref
• Lleoliadau niferus yn darparu gwasanaethau iechyd meddwl ac anableddau dysgu