Trosolwg o'r swydd

Mae Ward 5 yn Ysbyty'r Tywysog Philip yn chwilio am Weithwyr Cymorth Nyrsio Band 3 i ymuno â'n tîm ymroddedig ar ward Diabetes ac Endocrin brysur ac iddi 26 o welyau. Mae hon yn rôl allweddol o ran darparu gofal tosturiol o ansawdd uchel i gleifion ag ystod eang o gyflyrau endocrinaidd acíwt a chronig, gan gynnwys rheoli diabetes cymhleth.

Rydym yn chwilio am unigolion tosturiol, llawn cymhelliant, sy'n ymrwymedig i ddarparu gofal diogel sy'n canolbwyntio ar y claf ac i gefnogi pobl trwy deithiau iechyd sy'n aml yn heriol. Byddwch yn gweithio'n agos gyda nyrsys cofrestredig a'r tîm amlddisgyblaethol 
ehangach i gynnal amgylchedd therapiwtig, hybu annibyniaeth cleifion, a chynnal urddas a pharch bob amser.

Bydd eich cyfrifoldebau yn cynnwys cynorthwyo gyda thasgau clinigol, monitro cleifion, cefnogi gweithgareddau bywyd bob dydd, a chyfrannu at sicrhau dogfennaeth gywir a dulliau cyfathrebu effeithiol. Byddwch hefyd yn chwarae rhan weithredol yn addysg cleifion, yn enwedig mewn perthynas â hunanreoli diabetes.

Mae'r rôl hon yn ddelfrydol i rywun sy'n rhagweithiol, yn drefnus ac yn awyddus i ddatblygu ei sgiliau clinigol. Byddwch yn cael cyfleoedd i ehangu eich gwybodaeth am ofal diabetes, anhwylderau endocrinaidd, a thriniaethau arbenigol, a hynny wrth weithio mewn tîm cefnogol a dynamig. 

Bydd yna ofyniad i gyflenwi ar gyfer gwasanaeth 24 awr i gleifion yn yr ardal glinigol. 

Prif ddyletswyddau'r swydd

• Mae Gweithiwyr Cymorth Nyrsio Band 3 yn darparu gofal uniongyrchol i gleifion, gan gynorthwyo unigolion gyda golchi, gwisgo, mynd i'r toiled, symudedd, a'r defnydd diogel o gyfarpar.
• Maent yn helpu i gynnal cysur, urddas, annibyniaeth, a llesiant y claf trwy gydol ei arhosiad.
• Maent yn cyflawni tasgau clinigol dirprwyedig, megis cymryd a chofnodi arsylwadau, monitro lefelau siwgr gwaed, cynnal profion wrin, casglu sbesimenau, cynnal profion ECG os ydynt wedi'u hyfforddi, a darparu gofal clwyfa syml dan oruchwyliaeth.
• Maent yn rhoi gwybod i staff yn brydlon am unrhyw newidiadau i gyflwr y claf.
• Maent yn gweithio'n agos gyda'r tîm amlddisgyblaethol i gefnogi derbyniadau, trefniadau rhyddhau, a llif cyffredinol y cleifion, gan hefyd helpu i gynnal amgylchedd diogel, glân, a threfnus ar y ward.
• Maent yn cofnodi gofal yn gywir ac yn cyfathrebu'n glir â chleifion, perthnasau, a chyd-weithwyr.
• Maent yn cyfrannu gwybodaeth berthnasol wrth drosglwyddo cleifion, a hynny o fewn cwmpas eu hymarfer.
• Maent yn cefnogi addysg cleifion trwy atgyfnerthu'r wybodaeth a ddarperir gan nyrsys cofrestredig ac annog cleifion i ddeall ac ymgysylltu â'u gofal eu hunain.
• Maent yn dilyn gweithdrefnau rheoli heintiau, yn cynnal glendid, ac yn uwchgyfeirio unrhyw bryderon ynghylch diogelwch.
• Maent yn cymryd rhan mewn hyfforddiant gorfodol, yn datblygu eu sgiliau clinigol, ac yn cyfrannu at wella ansawdd trwy ymarfer myfyriol.

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio.

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

• Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd
• Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro
• Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall
• 47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 99 o fferyllfeydd cymunedol; 43 o bractisau offthalmig cyffredinol; ac 8 o ddarparwyr offthalmig cartref
• Lleoliadau niferus yn darparu gwasanaethau iechyd meddwl ac anableddau dysgu