Trosolwg o'r swydd

Ydych chi'n nyrs sy'n barod i fynd â'ch gyrfa i'r lefel nesaf? Ydych chi eisiau gwneud gwahaniaeth go iawn i ofal cleifion a dylanwadu ar newid ar draws y system? 

Mae Optimeiddio yn trawsnewid sut rydym yn darparu gofal ar draws BIP Cwm Taf Morgannwg—ac rydym yn chwilio am unigolyn angerddol, sy'n canolbwyntio ar bobl i ymuno â'n tîm fel Hwylusydd.

Mae’r rôl Band 6 hon yn cael ei chynnig fel cyfle secondiad tan 31 Mawrth 2026, wedi'i lleoli yn YBG gyda theithio'n ofynnol o amgylch safleoedd, mae yna hefyd rai cyfleoedd i weithio o gartref. (Os ydych chi'n gweithio o fewn y GIG ar hyn o bryd, rhaid i chi gael caniatâd gan eich rheolwr llinell presennol cyn gwneud cais am y secondiad hwn.)  Yr oriau yw dydd Llun – dydd Gwener 9-5, gyda rhywfaint o waith penwythnos yn ofynnol, ond os nad yw hyn yn addas i chi, rydym yn hapus i drafod opsiynau hyblyg. 

Pam ymuno ag Optimeiddio?

Dyma eich cyfle i:

• Camu i rôl arweinyddiaeth sy'n cyfuno mewnwelediad clinigol ag effaith strategol.
• Ysgogi newid ystyrlon yn llif y cleifion, cynllunio rhyddhau cleifion, ac effeithlonrwydd ar lefel ward.
• Bod yn rhan o raglen sy’n cael ei gydnabod yn genedlaethol, sydd wedi cyrraedd rhestr fer Gwobrau GIG Cymru 2024 ac sy’n cael ei chefnogi gan The Dragon’s Heart Institute: Optimeiddio: Lledaenu Gwelliant Gofal Brys ac Achosion Brys - Dragon Heart Institute
• Datblygu eich sgiliau mewn gwella ansawdd, arweinyddiaeth weithredol ac ailgynllunio systemau.

Prif ddyletswyddau'r swydd

Fel Hwylusydd Optimeiddio, byddwch yn gweithio'n agos gyda thimau clinigol, uwch reolwyr ac arweinwyr gweithredol i:

• Hyfforddi a chefnogi timau wardiau i wella effeithiolrwydd ac effeithlonrwydd, gan ryddhau mwy o amser i ofalu.
• Hyrwyddo cynllunio rhyddhau sy'n canolbwyntio ar y claf, gan gymhwyso egwyddorion Optimeiddio Llif Ysbyty o'r adeg y maen nhw’n cael eu derbyn.
• Ysbrydoli timau i ganolbwyntio ar beth sydd bwysicaf i gleifion ac atal datgyflyru.
• Cefnogi'r Nyrs Arweiniol Optimeiddio i feithrin gallu GA ar draws y sefydliad.
• Dylanwadu ar welliannau ar raddfa fawr sy'n cyd-fynd â'r 6 Nod ar gyfer Gofal Brys ac Achosion Brys.
• Cyfrannu at gynllun cyflawni cenedlaethol sy'n llunio gofal ledled Cymru a thu hwnt.

Byddwch yn gweithio fel rhan o dîm cefnogol sy'n cydweithio â chlinigwyr, uwch reolwyr, a thimau gweithredol i yrru gwelliant ac ailgynllunio gwasanaethau yn ei flaen. Drwy hyrwyddo diwylliant o welliant parhaus, byddwch yn herio arferion presennol, yn dileu aneffeithlonrwydd, ac yn gwella llif cleifion a chanlyniadau. Gan bartneru â thimau amlddisgyblaethol, byddwch yn ymgorffori llwybrau rhyddhau cynaliadwy ac yn cymhwyso polisïau cenedlaethol a lleol gyda dull beirniadol, parchus ac arloesol.

Eisiau gwybod mwy am y rôl? Os ydych chi'n meddwl am hyblygrwydd, oriau gwaith, neu os ydych chi eisiau archwilio a yw'r cyfle hwn yn addas i chi, mae croeso i chi gysylltu ag Emily Adams drwy [email protected], am sgwrs anffurfiol.

Gweithio i'n sefydliad

Mae Bwrdd Iechyd Prifysgol Cwm Taf Morgannwg yn rhan o deulu GIG Cymru. Mae ein Bwrdd Iechyd yn darparu gofal iechyd sylfaenol, eilaidd a chymunedol ynghyd â gwasanaethau lles i tua 450,000 o bobl sy’n byw mewn tair sir: Pen-y-bont ar Ogwr, Merthur Tydful a Rhondda Cynon Taf.

Rydyn ni’n byw yn ôl ein gwerthoedd craidd:

• Rydyn ni’n gwrando, yn dysgu ac yn gwella
• Rydyn ni’n trin pawb â pharch
• Rydyn ni i gyd yn gweithio fel un tîm

Rydyn ni’n gyflogwr lleol balch; mae tua 80% o’n gweithlu o 15,000 yn byw o fewn ein rhanbarth. O ganlyniad, nid enaid y sefydliad yn unig y mae ein staff yn ei gynrychioli, ond y cymunedau amrywiol rydyn ni’n eu gwasanaethu.