Trosolwg o’r Swydd

 Rydym yn chwilio am Ymarferydd Arbenigol ymroddedig i ymuno â'n Gwasanaeth Niwroddatblygiad ac Anabledd Dysgu Plant bywiog. Mae hwn yn gyfle unigryw i weithio mewn amgylchedd cefnogol a deinamig lle gallwch chi gael effaith uniongyrchol ar fywydau plant a'u teuluoedd.

Ynglŷn â’r Swydd

Fel Ymarferydd Arbenigol, byddwch yn chwarae rhan allweddol wrth gyflawni asesiadau cyfannol sy'n ystyried nid yn unig anghenion meddygol y plant, ond hefyd eu gofynion emosiynol, cymdeithasol ac addysgol. Bydd eich dull yn canolbwyntio ar y plentyn ac ar y teulu, gan sicrhau bod pob asesiad yn darparu dealltwriaeth gynhwysfawr o gryfderau a heriau'r plentyn. Byddwch yn defnyddio amrywiaeth o offer a thechnegau asesu, gan ymgysylltu â phlant a theuluoedd i ddatblygu cynlluniau gofal wedi'u teilwra sy'n hyrwyddo lles, annibyniaeth a chynhwysiant.

Gweithio Fel Tîm Amlddisgyblaethol

Mae cydweithio wrth wraidd ein gwasanaeth. Byddwch yn aelod annatod o'n tîm amlddisgyblaethol, gan weithio ochr yn ochr â gweithwyr proffesiynol o ofal iechyd, addysg, gofal cymdeithasol, a gwasanaethau cysylltiedig. 

Yr hyn a gynigiwn i chi

• Amgylchedd gweithio diogel, iach a chynhwysol
• Cyfleoedd datblygiad proffesiynol parhaus
• Trefniadau gweithio’n hyblyg
• Y cyfle i wneud gwahaniaeth parhaol ym mywydau plant

Prif ddyletswyddau’r swydd

CRYNODEB / DIBEN Y SWYDD:
Bydd deiliad y swydd yn cyfrannu at gydlynu a darparu gwasanaeth arbenigol o ansawdd uchel i blant a phobl ifanc ag anhwylderau niwroddatblygiadol. Gweithio fel rhan o dîm Pediatrig amlddisgyblaethol sy'n darparu asesiadau i blant a phobl ifanc ar gyfer Bwrdd Iechyd Addysgu Powys dan oruchwyliaeth yr Ymarferydd Arweiniol Clinigol. Bydd hyn yn cynnwys datblygiad parhaus gwasanaeth arloesol i blant, pobl ifanc a'u teuluoedd sydd naill ai ag Anhwylder Sbectrwm Awtistig (ASD) a/neu Anhwylder Diffyg Canolbwyntio a Gorfywiogrwydd (ADHD).

Prif Ddyletswyddau

Clinigol

• Ymarferydd ymreolus sy'n gyfrifol am gynllunio, trefnu a blaenoriaethu ei lwyth achosion ei hun.
• Cyfrannu at asesu a gwneud diagnosis anhwylderau niwroddatblygiadol fel rhan o dîm amlddisgyblaethol a rhannu'r diagnosis gyda theuluoedd yn ôl yr angen.
• Cysylltu â theuluoedd a gweithwyr proffesiynol amlasiantaethol mewn perthynas â llwybrau diagnostig a rheoli anhwylderau niwroddatblygiadol.
• Gweithredu fel adnodd arbenigol i gydweithwyr a theuluoedd wrth reoli ADHD ac ASD, gan gynnwys cwnsela, gwybodaeth a chyngor cyn ac ar ôl diagnosis.
• Cynnal lefel uchel o wybodaeth glinigol a chadw i fyny â datblygiadau newydd ym maes anhwylderau niwroddatblygiadol. 
  
  
• Grymuso teuluoedd o ran sgiliau rhianta a/neu ymddygiad/hunanreoli.
• Nodi ac asesu sefyllfaoedd ac amodau sy'n rhoi plentyn mewn perygl o gam-drin/esgeulustod gan lynu wrth weithdrefnau Diogelu Plant lleol.