Trosolwg o'r swydd

MAE’R SWYDD HON AM SECONDIAD AM 12 MIS OHERWYDD CYFNOD MAMOLAETH.

OS OES DIDDORDEB GYDA CHI MEWN CEISIO AM SWYDD SECONDIAD, MAE’N RHAID I CHI GAEL CANIATAD EICH RHEOLWR LLINELL PRESENNOL CYN I CHI GEISIO AM Y SWYDD HON.

Fel Gweithiwr Cymorth Gofal Iechyd, byddwch yn cefnogi'r gwaith o ddarparu gofal lymffoedema i gleientiaid o fewn lleoliad clinigol a/neu amgylchedd cartref, fel rhan o dîm a than gyfarwyddyd Nyrs Gofrestredig.

Mae ein blaenoriaethau o fewn y tîm yn canolbwyntio ar:

Gofalu gyda dynoliaeth, urddas, caredigrwydd a thosturi
Darparu gofal diogel, effeithiol, di-niwed
Gwrando ar gleifion a gofalwyr a gwella'r ffordd rydym yn gweithio

Ar hyn o bryd ni allwn ddarparu tystysgrifau nawdd ar gyfer y rôl hon gan nad yw’n bodloni meini prawf y Swyddfa Gartref. Felly ni all unrhyw un sydd angen tystysgrif nawdd gael ei roi ar y rhestr fer na chael ei gyfweld

Prif ddyletswyddau'r swydd

Mae hwn yn gyfle delfrydol i Weithiwr Cymorth Gofal Iechyd sy'n ceisio ehangu a defnyddio ei ystod o sgiliau a gwybodaeth fel rhan o dîm amlddisgyblaethol. Bydd deiliad y swydd yn cymryd rhan yn y gwaith o ddarparu gofal medrus, ymreolaethol i gleifion.

Mae’r swydd hon yn galw am weithio ar eich pen eich hun ac mae’n hanfodol gallu teithio’n annibynnol.

Mae’r gallu i siarad Cymraeg yn ddymunol ar gyfer y swydd hon; mae croeso cyfartal i siaradwyr Cymraeg a/neu Saesneg ymgeisio. 

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.