Trosolwg o'r swydd

Rydym yn chwilio am weithiwr proffesiynol diogelu profiadol a deinamig i gefnogi Pennaeth Diogelu, darparu cyngor diogelu arbenigol, arweinyddiaeth a goruchwyliaeth weithredol ar gyfer diogelu ac amddiffyn y cyhoedd ar draws Bwrdd Iechyd Addysgu Powys.

Gan weithio'n agos gyda Phennaeth Diogelu, byddwch yn sicrhau bod y Bwrdd Iechyd yn cyflawni ei rwymedigaethau diogelu statudol yn unol â deddfwriaeth allweddol, gan gynnwys Deddf Gwasanaethau Cymdeithasol a Llesiant (Cymru) 2014, Deddf Galluedd Meddyliol 2005, a Deddf Trais yn Erbyn Menywod, Cam-drin Domestig a Thrais Rhywiol (Cymru) 2016.

Prif ddyletswyddau'r swydd

Datblygu, gweithredu a gwerthuso strategaethau, polisïau a fframweithiau diogelu ar draws y Bwrdd Iechyd.

Cefnogi Pennaeth Diogelu i sicrhau cydymffurfiaeth â blaenoriaethau Llywodraeth Cymru, deddfwriaeth a gweithdrefnau diogelu.

Darparu cyngor arbenigol i uwch glinigwyr a rheolwyr ar faterion diogelu cymhleth a sensitif iawn.

Arwain portffolios diogelu dirprwyedig.

Dirprwyo ar gyfer Pennaeth Diogelu.

Hyrwyddo diwylliant lle mae diogelu wedi'i ymgorffori o fewn fframweithiau ansawdd, diogelwch a llywodraethu.

Gweithio gyda Phennaeth Diogelu i gyfrannu at ymatebion sefydliadol i ddatblygiadau diogelu.

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.