Trosolwg o'r swydd

Bydd deiliad y swydd yn gweithio yn y Gwasanaeth Iechyd Meddwl Plant a’r Glasoed (CAMHS), yn darparu asesiad a gwasanaethau therapiwtig i blant, pobl ifanc a’u teuluoedd sydd wedi’u hatgyfeirio o’r tu mewn i’r gwasanaeth presennol. Bydd gan gleientiaid anawsterau seicolegol, emosiynol ac iechyd meddwl difrifol, cymhleth a pharhaus. Bydd deiliad y swydd yn cyflawni’r broses hon mewn ymgynghoriad â’r cleient a’r teulu, cyd-aelodau’r tîm, 
gweithwyr proffesiynol eraill a’r atgyfeiriwr, fel bo’n briodol. 

Prif ddyletswyddau'r swydd

Rydyn ni’n edrych am ymarferydd arbenigol, llawn cymhelliant i ymuno â’n Gwasanaeth CAMHS.  Bydd yr ymgeisydd llwyddiannus yn gweithio mewn gwasanaeth cymunedol ar draws cymunedau Gogledd Powys.

Mae CAMHS Powys yn gweithio o fewn ethos gwasanaeth cyfan, gan gefnogi ein gilydd ac annog datblygiad unigol a chydnabyddiaeth o sgiliau unigryw. Mae yna gyfleoedd i hyfforddi a datblygu gyrfa. Bydd yr ymgeisydd llwyddiannus yn gweithio gyda phlant, pobl ifanc a’u teuluoedd mewn amgylcheddau clinigau a chartrefi ac ar draws amrywiaeth o anawsterau emosiynol ac anawsterau iechyd meddwl. Fel rhan o’r rôl, bydd disgwyl ichi weithio’n ddwys ac yn hyblyg â phlant i’w gwneud hi’n llai tebygol y bydd yn rhaid iddyn nhw fynd i mewn i’r ysbyty, yn ogystal â phan y byddan nhw’n cael eu rhyddhau.

Mae gan CAMHS Powys gysylltiadau sydd wedi’u hen sefydlu ag asiantaethau sy’n bartneriaid, gwasanaethau CAMHS cyfagos a sefydliadau addysgol. Anogir unigolion i weithio’n annibynnol, gyda chefnogaeth a chyfarwyddyd priodol oddi wrth uwch aelodau’r tîm.

Mae datblygu sgiliau arweinyddiaeth yn cael ei harneisio a’i annog yn bositif ar draws y gwasanaeth. Anogir darpar ymgeiswyr i gysylltu i drafod y swydd yn fanylach.

Mae’r gallu i siarad Cymraeg yn ddymunol ar gyfer y swydd hon; mae croeso cyfartal i siaradwyr Cymraeg a/neu Saesneg ymgeisio.

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.