Trosolwg o'r swydd

Fel nyrs camddefnyddio sylweddau, byddwch yn rheoli llwyth achosion clinigol o ddynion sy'n camddefnyddio sylwadau, gan sicrhau y darperir ymyriadau priodol (asesiadau a thriniaethau) ac y cytunir ar nodau CAMPUS.

Byddwch yn:

·       Cynllunio, cyflawni a gwerthuso ymyriadau a/neu driniaethau pan fydd anawsterau cymhleth a/neu salwch difrifol. Trafod cynllun y driniaeth a'r anghenion cysylltiedig â defnyddiwr y gwasanaeth a'r tîm ehangach a byddwch yn deall eich rôl eich hun o ran cyflawni'r ymyriadau a/neu'r triniaethau yn y cynllun.

·         Gweithio’n agos â’r tîm Gofal Sylfaenol, y tîm Iechyd Meddwl a’r holl ddarparwyr iechyd eraill i sicrhau y darperir gwasanaeth cwbl integredig.

·         Nodi unrhyw ragofalon penodol neu unrhyw gyngor sy'n nodi na ddylid ymgymryd â'r ymyriadau/triniaethau arfaethedig ac yn gweithredu'n briodol.

·         Cynorthwyo a monitro cleifion trwy gydol eu triniaeth, a hysbysu'r rheolwr llinell yn ddi-oed pan fydd newidiadau annisgwyl o ran iechyd a lles unigolion neu lefel y risg.

·         Darparu gwybodaeth i dîm y Gwasanaeth Camddefnyddio Sylweddau ynghylch unrhyw newidiadau yn anghenion unigolion a chynnig adborth ynghylch addasrwydd cynllun triniaeth yr unigolyn pan gyfyd unrhyw anawsterau.

·         Ymateb i unrhyw ddigwyddiad andwyol yn ymwneud â'r ymyriad/triniaeth a chofnodi a rhoi gwybod am hynny, gan sicrhau y gweithredir yn ddi-oed fel y bo'n briodol.

Prif ddyletswyddau'r swydd

Mae sgiliau cyfathrebu da yn hollbwysig gan fod y rôl yn cynnwys rheoli defnyddwyr gwasanaeth yn uniongyrchol ar eu llwybr triniaeth. Bydd angen i chi ddarparu gwasanaeth cyfannol a sicrhau bod cynlluniau rheoli yn benodol ar gyfer anghenion unigolion a’u bod yn cael eu cyflwyno mewn ffordd ddealladwy i’r claf.

Bydd disgwyl i chi fynychu a chyfrannu mewn cyfarfodydd amlddisgyblaethol a chysylltu â thimau cymunedol, felly bydd sefydlu partneriaethau gweithio da gyda’r carchar a gwasanaethau cymunedol yn hanfodol.

Ein nod yw dynodi staff sydd â chred gryf mewn adferiad, ac mae’n bwysig bod gennych ddealltwriaeth dda o ofalu am gleifion o bob cefndir gan gynnwys ymwybyddiaeth o iechyd meddwl a chamddefnyddio sylweddau i ddynodi ymddygiadau peryglus.

Byddwch yn ymuno â thîm sydd wedi ymrwymo i wella iechyd a lles cleifion o dan ein gofal felly bydd angen i chi fod agos-atoch, yn egnïol, yn wydn ac yn gallu addasu i amgylchedd sy'n newid yn barhaus.

Yn ogystal, rydym yn awyddus i ddatblygu gweithwyr a chynnig dilyniant rhagorol drwy wahanol lwybrau gyrfa.

Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.