Trosolwg o'r swydd

Mae deilydd y swydd yn gyfrifol am ddarparu nyrsio practis cyffredinol i boblogaeth gyfan y practis. Canolbwynt y rôl yw darparu ymarfer sy'n seiliedig ar dystiolaeth i gleifion sydd â chyflwr hir dymor, a darparu gofal iechyd ataliol i boblogaeth y practis. Fel ymarferydd annibynnol mae'r nyrs yn gyfrifol am y gofal a ddarperir, gan ddangos meddwl critigol a sgiliau wrth wneud penderfyniadau clinigol wrth reoli cleifion. Bydd yn gweithio ar y cyd o fewn tîm practis cyffredinol i fodloni anghenion cleifion, cefnogi darparu polisi a gweithdrefnau, a darparu arweinyddiaeth nyrs fel bo angen.

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Prif ddyletswyddau'r swydd

• Asesu rhaglenni triniaeth sy'n hyrwyddo iechyd a lles, eu cynllunio, eu datblygu, eu gweithredu a'u dadansoddi
• Asesu cynlluniau triniaeth unigol, eu cynllunio, gweithredu a'u dadansoddi ar gyfer cleifion sydd â chyflwr hir dymor hysbys
• Dynodi cynlluniau triniaeth yn rhagweithiol, eu diagnosis a'u rheoli ar gyfer cleifion sydd mewn risg o ddatblygu cyflwr hir dymor fel bo'n addas
• Gweithio gyda gweithwyr proffesiynol gofal iechyd eraill i roi diagnosis o gyflyrau hir dymor, eu monitro, rheoli a'u trin, yn cynnwys dulliau trin nad ydynt yn seiliedig ar gyffuriau gan ddefnyddio cynllun rheoli, ac yn unol â pholisïau cenedlaethol a lleol ac anghenion ymarfer
• Adolygu meddyginiaethau ar gyfer effeithiolrwydd therapiwtig, sy'n addas ar gyfer anghenion y claf ac yn unol ag ymarfer sy'n seiliedig ar dystiolaeth a phrotocolau cenedlaethol ac arfer
• Gweithio gyda chleifion er mwyn cefnogi cadw at driniaethau a ragnodwyd
• Darparu gwybodaeth a chyngor ar feddyginiaeth a ragnodwyd neu feddyginiaeth dros y cownter ar drefn feddyginiaeth, sgil effeithiau a rhyngweithiadau
• Blaenoriaethu problemau iechyd ac ymyrryd yn briodol er mwyn helpu'r claf mewn sefyllfaoedd cymhleth, brys neu argyfyngus, gan gynnwys rhoi gofal brys effeithiol
• Cefnogi cleifion i fabwysiadu strategaethau hyrwyddo iechyd sy'n hyrwyddo cleifion i fyw'n iach, a chymhwyso egwyddorion hunan ofal
• Cefnogi anghenion iechyd merched sy'n ymddangos ar gyfer cynllunio teulu ac ar gyfer ymgynghoriadau seitoleg serfigol a'u rheoli

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.