Trosolwg o'r swydd

Mae cyfle newydd a chyffrous wedi codi o fewn y gwasanaeth camddefnyddio sylweddau ar gyfer Ymarferydd Cynorthwyol profiadol, brwdfrydig a blaengar i ymuno ȃ thîm prysur a chefnogol yn CEF Berwyn. 

Rydym yn awyddus i benodi unigolyn brwdfrydig a cryf ei gymhelliant i ddarparu ymyriadau clinigol, gan gynnwys sgrinio ar gyfer firysau a gludir yn y gwaed, hyrwyddo brechiadau Hepatitis B a chynorthwyo gyda llwyth achosion. Byddwch yn gweithio o fewn tîm o glinigwyr sy'n ymroddedig i weithio tuag at meicro-ddileu hepatitis C tra hefyd yn canolbwyntio ar HIV a hepatitis B i boblogaeth o ddynion o bob cefndir.

Mae meddu ar sgiliau cyfathrebu da yn hanfodol gan y bydd y rôl yn cynnwys cymorth uniongyrchol i ddefnyddwyr y gwasanaeth ar y llwybr triniaeth a sefydlu perthynas waith dda gyda'r carchar a'r gwasanaethau cymunedol. Yn ogystal, bydd y rôl yn cynnwys darparu sesiynau hyfforddi i garcharorion a staff er mwyn hybu ymwybyddiaeth, gan gynnwys llwybrau trosglwyddo posibl, rheoli a thrin firysau a gludir yn y gwaed.

Mae'r gallu i siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg a/neu Saesneg wneud cais.  

Prif ddyletswyddau'r swydd

Bydd disgwyl i chi fynychu a chyfrannu at gyfarfodydd amlddisgyblaethol, cysylltu gyda thimau cymunedol a chynorthwyo, lle bo angen, gyda thasgau gweinyddol, megis casglu data ac archwiliadau i sicrhau bod y gwasanaeth yn bodloni ac yn cynnal y targedau a argymhellir fel sy’n ofynnol gan Lywodraeth Cymru, Iechyd Cyhoeddus Cymru a Bwrdd Iechyd Prifysgol Betsi Cadwaladr.

Rydym yn awyddus i benodi Ymarferydd Cynorthwyol brwdfrydig, llawn cymhelliant gyda diddordeb gwirioneddol mewn Firysau a Gludir yn y Gwaed. Bydd disgwyl i’r ymgeisydd llwyddiannus gynnal FibroScan, Profion Smotyn Gwaed Sych, swabio’r geg ac wedi hyfforddi mewn fflebotomi.

Ein nod yw canfod staff sy’n credu’n gryf mewn adferiad. Mae'n bwysig bod gennych ddealltwriaeth dda o ofalu am gleifion o bob cefndir gan gynnwys ymwybyddiaeth o salwch meddwl a chamddefnyddio sylweddau er mwyn adnabod ymddygiadau peryglus.

Byddwch yn ymuno â thîm sydd wedi ymrwymo i wella iechyd a lles cleifion o dan ein gofal, felly bydd angen i chi fod yn unigolyn sy’n hawdd siarad ȃ chi, yn egnïol, yn wydn ac yn gallu addasu i amgylchedd sy'n newid yn barhaus.

Yn ogystal, rydym yn awyddus i ddatblygu gweithwyr a chynnig dilyniant rhagorol trwy lwybrau gyrfa amrywiol.

Sylwch os bydd eich cais yn llwyddiannus ac y cewch  eich gwahodd i gyfweliad, cânt eu cynnal ar y safle yn CEF Berwyn er mwyn sicrhau bod gan ymgeiswyr ddealltwriaeth am yr amgylchedd. Ni dderbynnir ceisiadau am gyfweliadau rhithiol.

Gweithio i'n sefydliad